Sunday 22 July 2018

Goa's Oldest Online News Portal

हांगची दिवाळी

 


इतलींय  वर्सां नेमान हांगा

आकाशदिवो  हांव  करतां,

पूण आकाशदिव्यान म्हज्या

केन्नाच मळब पळोवंक ना.

 

इतलींय  वर्सां नेमान हांगा

पणट्यो हांव पेटयतां,

पूण पणट्यांनी म्हज्या

केन्नाच काळोख पळोवंक ना.

 

इतलींय  वर्सां आवडीन हांगा

रांगोळी हांव घालतां,

पूण रांगोळेन म्हज्या

केन्नाच हुमरो पळोवंक ना. 

 

इतलींय  वर्सां न चुकता

ओवाळणी हांव करतां,

पायाच्या आंगठ्यान मात

केन्नाच कारीट पळोवंक ना.

 

जागी दवरुंक परंपरा आमची

पुराय यत्न करतां,

पूण कितलेंय कर ….


नरकासूर दारांत म्हज्या नाचना,

घरांत नाचयलो जाल्यार लासूंक तो मेळना,

अभ्यंग स्नानान केन्नाच हांगा,

फातोड पळोवंक ना,

कोडू चाखून परबेची सुरुवात हांगा जायना,

पणट्यो, रांगोळी, तोरण, फोव,

सगळे जरी करतां

आशिर्वादा हात आमच्या माथ्यार घेवंक पावना

 

चार वण्टी भितरली

दिवाळी ही हांगची

कितलेंय केल्यार लेगीत

दिवाळी, दिवाळीशी दिसना

…. दिवाळीशी दिसना.

 

(युनायटेड अरेबिक एमिरेट्स)




Doosri divaali yevpaachi zaali.

 
Jay |

Blogger's Profile

 

रुपाली मावजो कीर्तनी

रुपाली मावजो कीर्तनीचो पयलोच कवितासंग्रह ‘म्हज्यांतलें हांव’ ऑगस्ट 2012 क उजवाडाक आयला. मूळ माजोड्डेंचें. सध्या लग्न जावन युनायडेट अरेबिक अमिरेट्स हांगां आसता. आदीं 10 वर्सां सावदी अरेबियांत आसली. फाटलीं 17 वर्सां गोंयांभायर राबितो. पूण सातत्यान कोंकणी बरप. अबूधाबी इंडियन स्कुलांत आर्ट आनी क्राफ्ट शिकयता.

 

Previous Post

 

Archives