Saturday 24 August 2019

Goa's Oldest Online News Portal

देस

 


देस

तशीच जाता सकाळ-सांज

हांगाय तसोच व्हांवता वारो

चंद्र-नखेत्रांय तशीच

हांगच्याय उदकाक ना थारो

 

मात्येंत ह्या मूळ धरना

झाडां-पेडां, फुलां धोलना

पयश्यांचे चलता राज्य

कितेंच मेळना मात जायना

 

आमच्याय देसांत ना न्ही सारें

कोणा कोणांक मेळटा चड

वाडूंकच पावनात कांय,जाल्यार

कांय जातात व्हड व्हड

 

निमणे खंयय आसूं मनीस

कसोय आसूं ताजो भेस

देस आसना वायट बरो

मनीस घडोवन हाडटा देस




Blogger's Profile

 

रुपाली मावजो कीर्तनी

रुपाली मावजो कीर्तनीचो पयलोच कवितासंग्रह ‘म्हज्यांतलें हांव’ ऑगस्ट 2012 क उजवाडाक आयला. मूळ माजोड्डेंचें. सध्या लग्न जावन युनायडेट अरेबिक अमिरेट्स हांगां आसता. आदीं 10 वर्सां सावदी अरेबियांत आसली. फाटलीं 17 वर्सां गोंयांभायर राबितो. पूण सातत्यान कोंकणी बरप. अबूधाबी इंडियन स्कुलांत आर्ट आनी क्राफ्ट शिकयता.

 

Previous Post

 

Archives