Tuesday 20 November 2018

Goa's Oldest Online News Portal

मारीत राव पांखां

 


मारीत राव पांखां

 

कल्ल तॊडून आतांच तुंवे

घोटेरांत मारली उडी

उक्तें मळब रावला तुका

पुरॊ कर आतां रडी

 

चोचेंत तुज्या जिविताचो

कणानकण घालीन हांव

पाखां पसरावन भोंवती तुज्या

सांबाळीत रावीन हांव

 

हळू हऴू यत्न कर

उघडूंक तुजी नाजूक पांखा

झाडाची वयली तेंगशी

गांठची आसा पयली तुका

 

नदर सदांच आसूं वयर

सकयल वाकून पळय नाका

पडचें पयलीच धरीन हांव

भंय कसलोच बाळगी नाका

 

मारीत राव पांखां तूं

राखण करुंक हांव आसा

हात पसरावन रावला मळब

तुका वेंग ताजी गांठची आसा

          ---- रुपाली किर्तनी




Blogger's Profile

 

रुपाली मावजो कीर्तनी

रुपाली मावजो कीर्तनीचो पयलोच कवितासंग्रह ‘म्हज्यांतलें हांव’ ऑगस्ट 2012 क उजवाडाक आयला. मूळ माजोड्डेंचें. सध्या लग्न जावन युनायडेट अरेबिक अमिरेट्स हांगां आसता. आदीं 10 वर्सां सावदी अरेबियांत आसली. फाटलीं 17 वर्सां गोंयांभायर राबितो. पूण सातत्यान कोंकणी बरप. अबूधाबी इंडियन स्कुलांत आर्ट आनी क्राफ्ट शिकयता.

 

Previous Post

 

Archives