Tuesday 25 September 2018

Goa's Oldest Online News Portal

मनांतलें मनांत

 


 

दोळे भरून पळयल्ले

मनांत हांवे  चित्रायलें

ओंठार हाडून गिळिल्ले

मनांत म्हज्या कोरांतलें

कानार जें पडटालें

मनांत ल्हउच लिपयलें

मनांत जें चलतालें

कागदार ओतचें थारायलें

वरान वरां बसलें

बरय बरय बरयलें

बऱ्या वेळान कळून आयलें

मन रितें जावचे सोडून

कागद रितेंच उरलें

चित्रायल्ले कोरांतिल्ले

मनांतलें मनांत उरलें

हातांतलें कागद कोरे

मन मात जडावलें ...

 

            ---रुपाली किर्तनी 




Nice poem, in today's world relation's going vanishing, we have bond to make them long live.

Regards

Santosh

 
Santosh Pawale |

Blogger's Profile

 

रुपाली मावजो कीर्तनी

रुपाली मावजो कीर्तनीचो पयलोच कवितासंग्रह ‘म्हज्यांतलें हांव’ ऑगस्ट 2012 क उजवाडाक आयला. मूळ माजोड्डेंचें. सध्या लग्न जावन युनायडेट अरेबिक अमिरेट्स हांगां आसता. आदीं 10 वर्सां सावदी अरेबियांत आसली. फाटलीं 17 वर्सां गोंयांभायर राबितो. पूण सातत्यान कोंकणी बरप. अबूधाबी इंडियन स्कुलांत आर्ट आनी क्राफ्ट शिकयता.

 

Previous Post

 

Archives