Thursday 01 October 2020

News Analysed, Opinions Expressed

Culture | Art

अंत्रुज घुडयांचो कविता आनी नाट्यांतल्यान व्यक्तिमत्व विकास आविश्कार

 

सुदिन ढवळीकारान दिलीं शिबिरार्थींक प्रशस्तिपत्रकां

कविता, नाट्य तंत्र आनी व्यक्तिमत्व विकास अश्या तीन-रंगी संगमांतल्यान घेतिल्लें अंत्रुज घुडयांचें दोन दिसांचें नाट्य शिबीर सुमराभायर येसस्वी जालें.

8 आनी 9 ऑगस्टाक फोंडें तालुक्यांतल्या बांदोडेच्या स्नेह मंदिरांत जाल्ल्या ह्या शिबिरांत गोंयभरांतल्या 90 महाविद्यालयीन विद्यार्थ्यांनी वांटो घेतिल्लो.

राष्ट्रीय नाट्य विद्यालयांतल्यान प्रशिक्षण घेतिल्ले युवा रंगकर्मी श्री. विष्णुपद बरवेन शिबीर संचालक म्हूण काम सांभाळ्ळें.

शिबिरांत जाल्ल्या तरेकवार सत्रांनी डॉ. अजय वैद्य, प्रेमानंद पोळे, विजयकुमार नायक, महादेव सावंत हांणी स्वास नियंत्रण आनी शब्दफेक, रंगभुशा, देह बोली तशेंच नाट्य खेळ आनी साबार विशयांचेर मार्गदर्शन केलें.

शिबीराची सुरवात गौतमी हेदेन गायिल्ले नांदेन जाली. स्नेह मंदिराचे संस्थापक रामकृष्ण नायकान उक्तावण केलें.

ह्या वेळार उलयतना डॉ. अजय वैद्यान दोन दिसाच्या शिबीरांत कसले उपक्रम आसतले हाची कल्पना दिली.

पयल्या दिसा श्री. वर्धन कामत, श्रुती भोंसले, दिलेश हजारे आनी केदार मणेरीकार हांणी “नथुरामः ओळख ते अटक” हो एक प्रायोगीक कलाविश्कार सादर केलो. ताचेर चर्चाय जाली. 

दुस-या दिसा नाट्य शास्त्र शिकोवपा खातीर घेतल्यो तन्वी बांबोळकाराच्यो वेगवेगळ्या णव रसांच्यो कांय कविता. काव्याचें रसग्रहण करून अभिनयांतल्यान तें सादर करतना मार्गदर्शकांनी नाट्य शास्त्र तर समजावन दिलेंच, पूण वांगडाच व्यक्तिमत्वाक तातूंतल्यान कसो आकार येता तेंय समजावन दिलें.

 

सांजे जाल्ल्या समारोप सुवाळ्यांत भौशीक बांदकाम मंत्री सुदीन ढवळीकारान तरणाट्यांनीं एकूच धेय दवरून जिणेंत वावर करचो आनी मायभाशेच्या संरक्षणाखातीर वावुरचें असो उलो मारलो.

ह्या वेळार बांदोडेचे एक फांकिवंत कलाकार प्रशांत सतरकाराचो मंत्र्यांचे हस्तुकीं सत्कार जालो.

भुरग्यांनी वायट व्यसनांक बळी पडनासतना कलेच्या मळार वावर करचो असो उलो ह्या वेळार सतरकारान मारलो.

ह्या वेळार कांय शिबीरार्थांनी अणभव सांगतना हें शिबीर वेगळेच तरेचें जाल्ल्यान फकत नाट्य शास्त्रूच न्हय, तर खूब कितें शिकपाक मेळ्ळें अशें सांगलें. तशेंच आयिल्लों/ल्लें तेन्ना नाशिल्लों/ल्लें ताचे परस वेगळों/ळें कितें तरी जावन आपूण हांगांसावन वतां अशेंय कांय जाणांनी मुजरत सांगलें.

शिबीरार्थींक मंत्र्यांचे हस्तुकी प्रमाणपत्रां भेटयलीं. समारोप सुवाळ्याचें सुत्रसंचालन सुविधा नायकान केलें.

 


goanews.com is now on Telegram & also Youtube. Kindly subscribe for free & remain updated.




Name
Place
Email
Comments
Verification Code Enter The Code Displayed hereRefresh Image
 

Culture

 

Latest News

» Unlock 4: ...
» Multifaceted Vishnu ...
» If you ...
» Theatre creates ...
» Vijai, Rohan ...
» When Nitin ...
» Parrikar’s 9-member ...
» Will SC ...
» BJP stakes ...
» Will it ...
 
 

Art

» Google pays tribute ...
» My best designs ...
» Improv Comedy Comes ...
» Love has an ...
» Wendell's bold collection ...
» Amidst his politicking, ...
» Subodh invited by ...
» Goan Dr wins ...
» DM’s College sweeps ...
» Nine 'youngs' awarded ...